Azərbaycanda sosial kartların hazırlanması ilə bağlı tender keçirilir

Azərbaycanda sosial kartların hazırlanması ilə bağlı tender keçirilir

 

Azərbaycanda ünvanlı sosial yardımların plastik kartlarla verilməsi üçün bank kartlarının hazırlanması ilə bağlı açıq tender elan olunub.

 

APA-nın məlumatına görə, bunu jurnalistlərə açıqlamasında əmək və əhalinin sosial müdafiəsi naziri Səlim Müslümov bildirib.

 

Nazir qeyd edib ki, sosial kartlar yeniləri ilə əvəz olunacaq: «Bu prosesdə bütün banklar iştirak edəcək. Ən aşağı qiymət verən və müvafiq bankomat şəbəkəsinə malik olan banklar tenderdə iştirak edəcəklər. Vaxtı ilə biz əhalinin sosial müdafiəsi mərkəzlərinə xəbərdarlıq etdik ki, 3 ay ərzində özümüzdə olan əhalinin kartları sahiblərinə təhvil verilsin. Lakin gələn şikayətlər göstərir ki, hələ də bu proses – kartların sahiblərindən gizlədilməsi davam edir. Bunun aradan qaldırılması üçün yeni tenderin həyata keçirilməsi və köhnə kartların yenilənməsi zəruridir».

 

Apa.az