Posted by 
Azərbaycanda Dərslikləri Qiymətləndirmə Şurasına üzv olmaq istəyənlər üçün ərizə qəbuluna başlanılıb
Azərbaycan Təhsil Nazirliyi Dərslikləri Qiymətləndirmə Şurasının üzvlüyünə seçilmək üçün ərizə qəbuluna başlayıb.
Təhsil Nazirliyindən Trend-ə verilən məlumata görə, ərizə qəbulu “Dərslikləri Qiymətləndirmə Şurası haqqında Əsasnamə”nin 2.5-ci maddəsinə uyğun olaraq aparılır.
Şuranın üzvlüyünə seçilmək istəyənlər bu gündən başlayaraq martın 18-dək elektron formada müraciət edə bilərlər.
Şura üzvlüyünə seçilmək üçün ali təhsilli, ən azı 5 il pedaqoji staja malik (bu tələb 7, 8 və 9-cu bəndlərdə göstərilən şəxslərə aid deyil) mütəxəssislər elektron formada ərizə verə bilərlər.
Trend.az
