Posted by 
Davos İqtisadi Forumu bu gün öz işinə başlayır
Bu gün İsveçrənin Davos şəhərində Dünya İqtisadi Forumu öz işinə başlayır.
AzNews.az xəbər verir ki, bu haqda məlumatı “RİA Novosti” agentliyi yayıb.
Yanvarın 24-dək baş tutan Forum sayca 45-cidir.
Qeyd edək ki, bu Forum (World Economic Forum) qeyri-dövlət təşkilatıdır. Onun yaradılması 1971-ci ilə təsadüf edilir. Həmin vaxt Cenevrə şəhərində Avropanın aparıcı şirkətlərinin 400 rəhbərinin qatıldığı simpoziumda belə bir Forumun keçirilməsi məqsədəuyğun bilinib.
1986-cı ilədək bu Forum Avropa Menecmentlərinin Forumu (European Management Forum) adlanıb.
Forumun yaradıcısı və rəhbəri Cenevrə Universitetinin professoru Klaus Şvabdır.
Builki Forumda iştirak edəcək bir çox dövlət rəsmiləri arasında Almaniya kansleri Angela Merkelin, ABŞ-ın dövlət katibi Con Kerrinin, Fransa prezidenti Fransua Ollandın və Çin Xalq Respublikasının Dövlət Şurasının sədri Li Keçyanın da adı var.
Azərbaycanı isə Forumda Azərbaycan prezidenti İlham Əliyev və ölkənin birinci xanımı, “Bakı 2015” Avropa Oyunlarının təşkilat komitəsinin sədri Mehriban Əliyeva təmsil edəcək.
aznews.az
