Azərbaycan və Almaniya elmi ictimaiyyətləri arasında əməkdaşlıq imkanları müzakirə ediləcək

Azərbaycan və Almaniya elmi ictimaiyyətləri arasında əməkdaşlıq imkanları müzakirə ediləcək

Azərbaycan Milli Elmlər Akademiyası (AMEA) ilə Almaniya elmi ictimaiyyəti arasında əməkdaşlıq imkanları müzakirə ediləcək.

Akademiyadan Trend-ə verilən məlumata görə, bu məqsədlə AMEA-nın prezidenti, akademik Akif Əlizadənin rəhbərlik etdiyi nümayəndə heyəti oktyabrın 28-dən noyabrın 2-nə qədər Berlində Azərbaycan diasporunun elmi nümayəndələri ilə görüşəcək.

Ölkəmizin Berlində yerləşən səfirliyinin dəstəyi ilə təşkil edilən səfər çərçivəsində “Azərbaycan-Almaniya: İkitərəfli münasibətlərdə elmin yeri və rolu” mövzusunda “dəyirmi masa”, həmçinin Berlin Elmlər Akademiyası və Humboldt Universitetinin Azərbaycan tarixi fakültəsində bir sıra görüşlər keçiriləcək.

Səfərdə AMEA-nın vitse-prezidenti, akademik İbrahim Quliyev, Elm Tarixi İnstitutunun direktoru, tarix elmləri doktoru Məryəm Seyidbəyli və Rəyasət Heyətinin Beynəlxalq Əlaqələr İdarəsinin rəis müavini Zərifə Əliyeva da iştirak edəcəklər.

 

Trend.az